ძირითადი მიმართულებები

* ქალი და გენდერული თანასწორობა * ქალი და მშვიდობის მშენებლობა * ქალი და არაძალადობრივი საზოგადოება * ახალგაზრდებთან მუშაობა

ვინა ვართ ჩვენ:

ჩვენ ვართ აფხაზეთიდან იძულებით გადაადგილებულ (იგპ) ქალთა ჯგუფი, რომლებიც გავერთიანდით, რათა შეგვექმნა ქალთა არასამთავრობო ორგანიზაცია დასავლეთ საქართველოში, ქუთაისში, 1997 წლის ოქტომბერში. ჩვენი ჯგუფი ჩამოყალიბდა მას შემდეგ, რაც 1992-93 წლებში აფხაზეთის შეიარაღებული კონფლიქტის შედეგად ქართულ მოსახლეობას საკუთარი სახლ-კარის დატოვება მოუხდა.

ჩვენი ორგანიზაციის მისია:

ქალთა აქტივობის განვითარება საგანმანათლებლო, სამართლებრივი, ეკონომიკური, სოციალური და კულტურული საქმიანობის მეშვეობით ქალის როლის ასამაღლებლად საქართველოში დემოკრატიული საზოგადოების მშენებლობისა და კონფლიქტების მშვიდობიანი დარეგულირების პროცესში.

საინფორმაციო კამპანიის გაგრძელება ტელესტუდიაში

on . Posted in მასმედია

1 2 3

ფონდი „სოხუმი“ პროექტის „ვიშეგრადის (V4) ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისათვის“ ფარგლებში აგრძელებს საინფორმაციო კამპანიას.

ტელეკომპანია „რიონის“ ეთერში გასული გადაცემის მიზანია საზოგადოების ინფორმირება პროექტის მსვლელობასა და მიღწეულ შედეგებზე.

ტელეგადაცემაში მონაწილეობდნენ: მერი გელაშვილი (პროექტის ერთ-ერთი შემსრულებელი), ლარისა შენგელია, ხათუნა გოგუა (ფონდი „სოხუმი“), ანჟელა ჩიხლაძე (მეწარმე ქალთა ფონდი) და ფიქრია ხაჭაპურიძე (ქუთაისის მუნიციპალიტეტის მერიის სოციალურ საკითხთა სამსახურის უფროსის მოადგილე, გენდერული თანასწორობის საბჭოს წევრი).

სტუდიაში შეკრებილებმა გამოცდილება გაუზიარეს მაყურებელს შემდეგ საკითხებზე: დეცენტრალიზაცია და ადგილობრივი თვითმმართველობა, მონაწილეობითი ბიუჯეტირება - როგორც საზოგადოებისა და თვითმმართველობის კიდევ უფრო დაახლოების ერთ-ერთი საშუალება.

პროექტი ხორციელდება ვიშეგრადის ფონდის მხარდაჭერით

თერჯოლა - საინფორმაციო შეხვედრა ადგილობრივი გენდერული სტრატეგიის თემაზე

on . Posted in შეხვედრები / ვორკშოპები

31 2  4

 

27 მარტს ფონდი „სოხუმის“ წარმომადგენლებმა თერჯოლის მუნიციპალიტეტის საკრებულოში საინფორმაციო შეხვედრა გამართეს ადგილობრივი აქტიური სამოქალაქო ჯგუფების და ტყიბულისა და ბაღდათის გენდერულ პოლიტიკაზე პასუხისმგებელი პირების მონაწილეობით.

შეხვედრის მთავარი საკითხი იყო ფონდი „სოხუმის“ ადგილობრივი გენდერული სტრატეგიის დოკუმენტის ორიენტირები, რომელიც პროექტის დასასრულს წარედგინება საზოგადოებას, ადგილობრივ თვითმმართველობებს. შეხვედრის მონაწილეებმა  ფონდი „სოხუმის“ დაკვეთით ჩატარებული კვლევებისა და პროექტის  ფარგლებში ჩატარებული საქმიანობის  შესახებაც მოისმინეს ინფორმაცია. ისაუბრეს ადგილობრივ გენდერულ პოლიტიკაზე, პერსპექტივებსა და გამოწვევებზე. ყურადღება გამახვილდა მუნიციპალიტეტების გენდერულ პოლიტიკასა და გამოცდილებაზე, გენდერული თანასწორობის საბჭოების როლსა და ადგილობრივი თვითმმართველობის ჩართულობაზე. 

„მოხარული ვარ, რომ თერჯოლა ადგილობრივ გენდერულ სტრატეგიაზე დისკუსიას მასპინძლობს. მზად ვართ, აქტიურად ვიმუშაოთ გენდერული თანასწორობის საბჭოს ჩამოყალიბებისთვის,“ - აღნიშნა საკრებულოს თავმჯდომარემ ნინო ჯანელიძემ.

შეხვედრა გაიმართა პროექტის „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისათვის“ ფარგლებში

პროექტი ხორციელდება ვიშეგრადის ფონდის მხარდაჭერით

რადიოგადაცემის თემა - გზა გენდერული მეინსტრიმინგისკენ

on . Posted in მასმედია

.be

1რადიო „რიონმა“ მოამზადა და 20 მარტს ეთერში გაუშვა გადაცემა თემაზე „საქართველოს მიერ განვლილი გზა ადგილობრივ თვითმმართველობაში გენდერული თანასწორობისა და გენდერული მეინსტრიმინგის დასანერგად ნაყოფიერი ნიადაგის შექმნისკენ“.

გადაცემის სტუმარი იყო ფონდი „სოხუმის“ თავმჯდომარე ალლა გამახარია. 37 წუთის განმავლობაში რადიომსმენელებმა საკმაოდ მდიდარი ინფორმაცია მიიღეს აქტუალურ საკითხებზე: რა გზა გაიარა საქართველომ, როგორია სამოქალაქო საზოგადოებისა და არასამთავრობო ორგანიზაციების როლი, რა ხარვეზები არსებობს და რა უნდა გაკეთდეს სამომავლოდ.

გადაცემა გაიმართა პროექტის „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისათვის“ ფარგლებში.

პროექტი ხორციელდება ვიშეგრადის ფონდის მხარდაჭერით

გენდერული პოლიტიკის საკითხების განხილვა - შეხვედრა ფოთში

on . Posted in შეხვედრები / ვორკშოპები

 1 2

 3 4

ფოთის მერიის დარბაზში ჩატარდა საინფორმაციო შეხვედრა თემაზე „დეცენტრალიზაცია - ადგილობრივი თვითმმართველობა - გენდერული პოლიტიკა, საქართველო“. ფონდი „სოხუმის“ წარმომადგენლებმა შეკრებილებს გააცნეს ამ კუთხით არსებული სიტუაცია და ფონდის გამოცდილება.

შეხვედრის მონაწილეთა შორის იყვნენ საზოგადოების აქტიური წევრები, ფოთის მუნიციპალიტეტის და მასმედიის წარმომადგენლები. ისინი აქტიურად ჩაერთნენ გენდერულ პოლიტიკასთან  დაკავშირებული საკითხების განხილვაში.

შეხვედრა ჩატარდა ფონდი „სოხუმის“ პროექტის „ვიშეგრადის ქვეყნების გამოცდილების შესწავლა ადგილობრივ დონეზე, თანაბარი ინკლუზიური და დემოკრატიული მმართველობის ადვოკატირებისათვის“ ფარგლებში.

პროექტი ხორციელდება ვიშეგრადის ფონდის მხარდაჭერით

ექსპერტთა შეხვედრა ბუდაპეშტში

on . Posted in შეხვედრები / ვორკშოპები

  

  

7-8 მარტს, ბუდაპეშტში, პროექტის „ვიშეგრადის ქვეყნების გამოცდილება თანაბარი, ინკლუზიური და დემოკრატიული მმართველობისათვის“ ფარგლებში კვლევებში ჩართულ ექსპერტთა მონაწილეობით შედგა შეხვედრა, რომელზეც კიდევ ერთხელ მოხდა ვიშეგრადის ქვეყნების გამოცდილების განზოგადება გენდერული მიდგომების დანერგვის, ადგილობრივი მართვის რეფორმებში საზოგადოების მონაწილეობის და პოლიტიკური რეფორმების ადვოკატირების კუთხით.  დაიწყო მუშაობა  პოლიტიკური სტრატეგიის დოკუმენტზე, რომელიც ორიენტირებული იქნება საქართველოში ადგილობრივი მმართველობის რეფორმაზე და გენდერულ მეინსტრიმინგზე. დაიგეგმა პროექტის სამომავლო აქტივობები.

შეხვედრას ესწრებოდა  ვიშეგრადის ფონდის წარმომადგენელი. ის ინტერესით გაეცნო პროექტის ფარგლებში განხორციელებულ მუშაობას და დააფიქსირა ფონდის პოზიცია, რომელიც მიესალმება გენდერულ საკითხებში გამოცდილების გაცვლის, პარტნიორთა ქსელის გაზრდის და ადგილობრივ პოლიტიკაში თანასწორობის საკითხებისადმი  ახალი მიდგომების დანერგვის ტენდენციას.

პროექტი ხორციელდება ვიშეგრადის ფონდის მხარდაჭერით