ძირითადი მიმართულებები

* ქალი და გენდერული თანასწორობა * ქალი და მშვიდობის მშენებლობა * ქალი და არაძალადობრივი საზოგადოება * ახალგაზრდებთან მუშაობა

ვინა ვართ ჩვენ:

ჩვენ ვართ აფხაზეთიდან იძულებით გადაადგილებულ (იგპ) ქალთა ჯგუფი, რომლებიც გავერთიანდით, რათა შეგვექმნა ქალთა არასამთავრობო ორგანიზაცია დასავლეთ საქართველოში, ქუთაისში, 1997 წლის ოქტომბერში. ჩვენი ჯგუფი ჩამოყალიბდა მას შემდეგ, რაც 1992-93 წლებში აფხაზეთის შეიარაღებული კონფლიქტის შედეგად ქართულ მოსახლეობას საკუთარი სახლ-კარის დატოვება მოუხდა.

ჩვენი ორგანიზაციის მისია:

ქალთა აქტივობის განვითარება საგანმანათლებლო, სამართლებრივი, ეკონომიკური, სოციალური და კულტურული საქმიანობის მეშვეობით ქალის როლის ასამაღლებლად საქართველოში დემოკრატიული საზოგადოების მშენებლობისა და კონფლიქტების მშვიდობიანი დარეგულირების პროცესში.

საბოლოო მაჩვენებელი - 68 760

on . Posted in მასმედია

1 2 3

აპლიკაციის მოქმედება დასრულდა. ონლაინ ხმის მრიცხველი დაგეგმილზე მეტხანს, კიდევ თითქმის ერთი თვე „მუშაობდა“ ინტერნეტში. საპარლამენტო არჩევნები 31 ოქტომბერს გაიმართა, დამატებითი არჩევნები კი 21 ნოემბერს - სწორედ ეს იყო მიზეზი.

საპროექტო გუნდი აქტიურად მოქმედებდა ინფორმაციის გასავრცელებელად.

საბოლოოდ აპლიკაცია შეავსო 68 760-მა ადამიანმა. ეს საკმაოდ სერიოზული მაჩვენებელია, თუ გავითვალისწინებთ, რომ ასეთი აპლიკაცია პირველად იყო წარმოდგენილი ამომრჩევლების წინაშე.

პროექტი ხორციელდება ვიშეგრადის ფონდის მხარდაჭერით

აპლიკაცია 16 896 ადამიანმა შეავსო

on . Posted in მასმედია

1

პირველად საქართველოში - აპლიკაცია „ონლაინ ხმის მრიცხველი - ამომრჩევლის რჩევის აპლიკაცია“!

შეავსეთ ამომრჩევლის რჩევის აპლიკაცია - გააკეთეთ გაცნობიერებული არჩევანი!

www.onlinemricxveli.ge

ამ მოწოდებით ვრცელდება აპლიკაცია, ონლაინმრიცხველის ბმული ყველა არხით: საინფორმაციო პორტალებზე, ორგანიზაციის ყველა ფეისბუქგვერდზე, ფონდი „სოხუმის“ თანამშრომლების, პარტნიორების პირად ფეისბუქგვერდებზე...

აპლიკაცია უკვე 16 896-მა ადამიანმა შეავსო. 31 ოქტომბერს არჩევნებია!

პროექტი ხორციელდება ვიშეგრადის ფონდის მხარდაჭერით

„ამომრჩევლის რჩევის აპლიკაციის“ არსი - ტელეგადაცემა „რიონის“ ეთერში

on . Posted in მასმედია

1 2 3

რეგიონალური ტელეკომპანია „რიონის“ ეთერით ფონდი „სოხუმის“ მიერ მომზადებული გადაცემა გავიდა.

გადაცემაში გაშუქდა, როგორ მუშაობს ფონდი „სოხუმის“ მიერ 2020 წლის  საპარლამენტო არჩევნებისთვის შექმნილი ინოვაციური ელექტრონული პლატფორმა „ამომრჩევლის რჩევის აპლიკაცია“, რომელიც 15 სექტემბერს ამოქმედდა;   რა მიზანს ემსახურება და როგორ ეხმარება  მოქალაქეს  არჩევანის გაკეთებაში; რა საქმიანობა ჩატარდა ევროპული გამოცდილების გაცნობის, ადგილობრივი პოლიტიკური ლანდშაფტის შესწავლის მიმართულებით; როგორ ხდება პლატფორმის პოპულარიზაცია; როგორია რიგითი ამომრჩევლების, სპეციალისტების პოზიცია.

პროექტი ხორციელდება ვიშეგრადის ფონდის მხარდაჭერით

ვიდეორგოლი ინტერნეტ აპლიკაციის შესახებ

on . Posted in მასმედია

დროდადრო, შენ გიწევს მნიშვნელოვანი ნაბიჯების გადადგმა, რომელიც გავლენას ახდენს შენს ცხოვრებასა და მომავალზე. ზოგჯერ სწორი გადაწყვეტილების მიღებისთვის შენ დახმარება გჭირდება.

ასე იწყება პატარა ვიდეორგოლი, რომელიც ორიგინალურად ასახავს „ონლაინ ხმის მრიცხველის“ არსს.

ვიდეორგოლში ნაჩვენებია ინსტრუქცია, როგორ გამოიყენოთ ინტერნეტ აპლიკაცია და გაიგოთ, რომელი პარტიის ხედვა შეესაბამება თქვენს პოზიციას.

ვიდეორგოლი მოამზადა ფონდი „სოხუმის“ საპროექტო გუნდმა, ანიმაციების ავტორია კესო წირღვავა.

„ონლაინ ხმის მრიცხველი“ 15 სექტემბრიდან იქნება ხელმისაწვდომი www.onlinemricxveli.ge

პროექტი ხორციელდება ვიშეგრადის ფონდის მხარდაჭერით

ონლაინ ხმის ელექტრონული მრიცხველი

on . Posted in მასმედია

102287503 566398740939603 5126968088335482880 nდაუსვი კითხვა პოლიტიკურ პარტიას‼️
გაიგე, გაარკვიე, დააზუსტე, რაც გაინტერესებს!
გამოიყენეთ შესაძლებლობა, მიაწვდინოთ ხმა პოლიტიკურ პარტიებს და მიიღოთ პასუხი თქვენთვის მნიშვნელოვან საკითხებზე.
ყველაზე აქტუალური და ხშირად დასმული კითხვები შევა ონლაინ პლატფორმაში (კითხვარში შეტანილ კითხვებში დაცული იქნება ანონიმურობა).
ფონდმა „სოხუმმა“ მოამზადა აპლიკაცია მოსახლეობისთვის, რომლის მეშვეობითაც ნებისმიერ თქვენგანს შეუძლია დააფიქსიროს შეკითხვა, რომელსაც დაუსვამდა პოლიტიკურ პარტიას. კითხვარი შეივსება პოლიტიკური პარტიების მიერ და აპლიკაცია მათემატიკური გაანგარიშების შედეგად პროცენტულად გვიჩვენებს, რომელ პარტიას მიესადაგება თქვენი თვალთახედვა.
ფონდი „სოხუმი“ თქვენთან აქტიური თანამშრომლობით ქმნის საქართველოში პირველ ონლაინ ხმის მრიცხველს, რომელიც ხელს შეუწყობს ამომრჩეველთა მიერ ინფორმირებული არჩევანის გაკეთებას მომავალ საპარლამენტო არჩევნებზე!
მუშაობა მიმდინარეობს პროექტის "ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ ფარგლებში - ვიშეგრადის ფონდის მხარდაჭერით.

პროექტი ხორციელდება ვიშეგრადის ფონდის მხარდაჭერით